Монгол Улсын Ерөнхийлөгчийн Тамгын газрын дарга Д.Баттулга Элчин сайдуудтай уулзлаа
Монгол Улсын Ерөнхийлөгчийн Тамгын газрын дарга Д.Баттулга БНСУ-аас Монгол улсад суугаа Онц бөгөөд бүрэн Эрхт Элчин сайд ноён Жол Илийг энэ сарын 24-ний өдөр хүлээн авч уулзлаа.
Уулзалтын үеэр Монгол Улсын Ерөнхийлөгчийн Тамгын газрын дарга Д.Баттулга ноён Элчин сайдтай уулзаж байгаадаа баяртай байгаагаа илэрхийлж, хоёр орны хооронд дипломат харилцаа тогтоосны 20 жилийн ойн хүрээнд хийгдэж байгаа арга хэмжээний талаар харилцан мэдээл солилцов.
Ноён Элчин сайд Улаанбаатар хотод Сөүлийн соёлын төв нээх, Сөүлийн гудамжийг тохижуулах талаар хийгдэж буй ажлуудыг танилцууллаа.
Монгол Улсын Ерөнхийлөгчийн Тамгын газрын дарга Д.Баттулга БНЭУ-аас тус улсад суугаа Онц бөгөөд бүрэн Эрхт Элчин сайд Сатбир Сингхийг энэ сарын 25-ны өдөр хүлээн авч уулзав.
Уулзалтын үеэр хоёр орны хооронд дипломат харилцаа тогтоосны 55 жилийн ойн хүрээнд хийгдэж байгаа арга хэмжээний талаар харилцан мэдээлэл солилцов.
Ноён Элчин сайд удахгүй болох БНЭУ-ын парламентын даргын айлчлалын тухай танилцууллаа. Энэтхэг улсад хүн сургах, мэргэжил дээшлүүлэх талаар улам идэвхтэй ажиллах, хоёр орны Ерөнхийлөгчийн Тамгын Газруудын хооронд ажил төрлийн холбоо тогтоож хамтран ажиллах арга замуудыг тодорхойлох нь зүйтэй хэмээн харилцан тохиролцов.
Монгол Улсын Ерөнхийлөгчийн Тамгын газрын дарга Д.Баттулга Элчин сайдуудтай уулзлаа
