Монгол Улсын Ерөнхийлөгч Ц.Элбэгдорж цаазаар авах ялыг түдгэлзүүлэх тухай үг хэлж тус ялыг бүрмөсөн халах байр суурьтай байгаагаа УИХ-ын чуулганд мэдэгдсэний дараа дэлхийн олон орны төр засгийн газруудаас дээрхи шийдвэрийг дэмжиж буйгаа илэрхийлсэн албан мэдэгдлүүд ирсээр байна.
Швейцарийн Холбооны Улсын Гадаад Харилцааны яамнаас 2010 оны 1 дүгээр сарын 18-нд энэ асуудалтай холбогдуулан мэдэгдэл гаргажээ.
Тус мэдэгдэлд, “Монгол Улсын Ерөнхийлөгч Ц.Элбэгдорж өнгөрсөн пүрэв гарагт парламентад хандаж хэлсэн үгэндээ цаазаар авах ялын эсрэг мораториум зарласан нь тун чухал алхам боллоо. Тэрээр цаазаар авах ялыг 30 жилийн гянданд хорих ялаар солих тухай мэдэгдэл хийлээ. Бүс нутагтаа нэр хүндтэй, жинтэй алхам хийсэн Монгол Улсын энэ мэдэгдлийг Щвейцарь Улс талархан хүлээж авлаа. Мөн цаазаар авах ялыг түдгэлзүүлэх шийдвэрээ тус ялыг халах хүртэл түвшинд хүргэхэд бид дэмжин ажиллах болно. Энэ үзэл санаа нь манай улсын гадаад бодлогын үндсэн зорилтын нэг бөгөөд хүний эрхийг ханган хамгаалах баталгаа юм. Энэ ялыг халах нь хүний үнэт чанарыг хүндэтгэн хамгаалж буй хэрэг юм” гээд дээрхи харгис ялыг халаагүй улс орнуудад уг ялыг бүрэн халахыг уриалжээ.
