Монгол Улсын Ерөнхийлөгч Цахиагийн Элбэгдорж Эвсэлд үл нэгдэх хөдөлгөөний XVI дээд хэмжээний уулзалтад оролцох, Лалын Бүгд Найрамдах Иран Улсад албан ёсны айлчлал хийхээр Тегеран хотод хүрэлцэн ирлээ.
Монгол Улсын Ерөнхийлөгч Ц.Элбэгдоржийг УИХ-ын гишүүн, Гадаад харилцааны сайд Л.Болд дагалдан явж байна.
Ерөнхийлөгч Эвсэлд үл нэгдэх хөдөлгөөний дээд хэмжээний уулзалтад оролцож, мөн албан ёсны айлчлалынхаа хүрээнд Ираны дээд удирдагч Аятолла Сейед Али Хаманей, тус улсын Ерөнхийлөгч Махмуд Ахмади Нежад нартай уулзаж, Монголын эзэнт гүрний Ил хаант улсын үеийн түүх соёлын газруудаар зочилж танилцах юм. Тухайлбал өнөөдөр Султания хотод зочилж, Өлзийт хааны бунхантай танилцана.
Мэдээний дүрсийг энд дарж татаж авна уу
http://share.gogo.mn/53CFlvIdU335391346298607/2012-8-29UGTALT.wmv
