Өнөөдөр Монгол Улсын Ерөнхийлөгч Цахиагийн Элбэгдоржийн зарлигаар Хил хамгаалах ерөнхий газрын дарга, Хилийн цэргийн командлагч Бригадын генерал Цэдэвийн Сэргэлэнд дээд офицерын албан тушаалын ангилал, цэргийн цолны зэрэглэлийн дагуу “Хошууч генерал” цол, Зэвсэгт хүчний Ерөнхий хянан шалгагч, Хяналт, шинжилгээ, үнэлгээний газрын дарга, хурандаа Гончигсүрэнгийн Энхбаатар, Шүүхийн шийдвэр гүйцэтгэх ерөнхий газрын дарга, хурандаа Мядагийн Ганхүү нарт дээд офицерийн албан тушаалын ангилал цэргийн цолны зэрэглэлийн дагуу “Бригадын генерал” цол тус тус хүртээлээ.
Генерал цолтны батламж, мөрдөс гардан авсныхаа дараа шинэхэн генералууд Монгол Улсын Ерөнхийлөгч, Зэвсэгт хүчний Ерөнхий командлагч Цахиагийн Элбэгдоржид генерал болсноо илтгэв.
