Монгол Улсын Ерөнхийлөгчийн Тамгын газар, Сангийн яам, Монгол Улсын Их сургууль хамтран Монгол Улсын Ерөнхийлөгчийн дэргэдэх “Төсвийн бодлогын дэд зөвлөл”-ийн ээлжит хуралдаан, нээлттэй хэлэлцүүлгийг 2011 оны 10 дугаар сарын 14-ний өдөр МУИС-ын лекцийн дугуй танхимд зохион байгууллаа.
Энэ өдрийн хэлэлцүүлгийг Монгол Улсын Ерөнхийлөгчийн эдийн засгийн бодлогын зөвлөх Л.Дашдорж хөтлөн явуулсан.
Хэлэлцүүлэгт Монголбанк, МУИС-иас нийт 3 илтгэл хэлэлцүүлэгдсэн ба Монгол Улсын 2012 оны төсвийн онцлог шинж, төсвийн бодлогын талаар баримталж буй үндсэн зарчим, түүний хэрэгжилт, төсөвт нөлөөлж буй хүчин зүйлс, анхааран асуудлуудын талаар дэлгэрэнгүй ярилцав. Мөн Оюутолгой төслийн Монгол Улсын төсөвт одоо болон ирээдүйд нөлөөлөх байдалд хийсэн дүн шинжилгээ зэрэг өргөн хүрээтэй асуудлаар сонирхолтой илтгэлүүд хэлэлцүүлж олон нийтийн санал бодлыг сонсох нээлттэй хэлэлцүүлэг өрнүүллээ.
Хэлэлцүүлэгдсэн сэдэв:
“Монгол Улсын 2012 оны төсвийн онцлог шинж” Б.Батжаргал – Сангийн яамны Төсвийн бодлогын газрын дарга
“2012 оны төсөв ба төсвийн бодлого” Д.Дуламсүрэн (профессор, МУИС)
2011.10.14
