Монгол Улсын Ерөнхийлөгчийн ивээл дор “Монгол Улс ба Азийн хөгжлийн банкны түншлэл: A roadmap for happy, healthy and harmonious Mongolia” сэдэвт өндөр хэмжээний чуулган Тэрэлжид аравдугаар сарын 10-нд болно. Тус чуулганаар “Эдийн засгийн хөгжлийг бусад салбарын хөгжилтэй уялдуулах нь”, “Тэнцвэртэй бөгөөд байгаль орчны тогтвортой хөгжлийн баталгаа” сэдвээр салбар хуралдаан хийж, дараа нь нэгдсэн хэлэлцүүлэг зохион байгуулах юм байна.
Тус чуулганд Монгол Улсын Ерөнхийлөгчийн урилгаар ирж оролцон “Уур амьсгалын өөрчлөлт ба тогтвортой хөгжил” гэсэн илтгэл тавих Энэтхэгийн эрдэмтэн, Нобелийн шагналт Р.К.Пачаури аравдугаар сарын 9-нд 13 цагаас МУИС-ийн дугуй танхимд олон нийтэд зориулан лекц унших ажээ.
