Монгол Улсын Ерөнхийлөгч Ц.Элбэгдорж АНУ-д албан ёсоор айлчлахаар мордлоо
Ерөнхийлөгч Сан Франциско хотод Станфордын их сургуульд зочилж, нэрт эрдэмтэдтэй дугуй ширээний ярилцлага хийнэ. Мөн “Hoover” хүрээлэн,“Google” компани,“Silicon Valley”-д зочилж, Монгол Улсын Ерөнхий консулын газрын нээлтэд оролцон, “Fairmont” зочид буудлын “Golden Room” танхимд монгол иргэдтэйгээ уулзана.
Вашингтон хотод Монгол Улсын Ерөнхийлөгч Ц.Элбэгдорж, АНУ-ын Ерөнхийлөгч Барак Обама нар Цагаан ордонд уулзаж, хэвлэл мэдээлэлд зориулан хамтарсан мэдэгдэл хийнэ. Ерөнхийлөгч Арлингтон дахь дайчдын хөшөөнд цэцэг өргөж, Волтер Рийдийн нэрэмжит АНУ-ын хуурай замын цэргийн эмчилгээ сувиллын төвд зочилно. Ерөнхийлөгч Ц.Элбэгдорж АНУ-ын Конгресс дахь Америк, Монголын найрамдлын бүлэг болон “House Democracy Partnership”хөтөлбөрийн төлөөлөгчидтэй уулзана. Түүнчлэн АНУ-ын төлөөлөгчдийн танхимын дарга Ж.Бэйнертэй ганцаарчлан уулзах бөгөөд АНУ-ын төрийн департаментэд Монгол, Америкийн харилцаа, хамтын ажиллагааны баримт бичгүүдэд гарын үсэг зурах юм.
Нью-Йоркт бизнесийн болон “Forbes”группийн төлөөлөгчидтэй уулзаж, АНУ-ын Гадаад харилцааны зөвлөлийн дугуй ширээний ярилцлагад оролцохын сацуу “Bloomberg News”телевиз, Нью Жерси дэх буддын сүмд зочилно.
Монгол Улсын Ерөнхийлөгч Ц.Элбэгдорж АНУ-д албан ёсоор айлчлахаар мордлоо
