Бүгд Найрамдах Ардчилсан Алжир Ард Улсаас Монгол Улсад суух Онц бөгөөд Бүрэн эрхт Элчин сайд Хасан Рабехи Монгол Улсын Ерөнхийлөгч Ц.Элбэгдоржид Итгэмжлэх жуух бичгээ өнөөдөр өргөн барив.
Итгэмжлэх жуух бичгээ барьсантай нь холбогдуулан Ерөнхийлөгч Ц.Элбэгдорж Элчин сайд Рабехиг хүлээн авч уулзан хоёр орны хооронд дэд бүтэц, уул уурхай, эрчим хүч, хөдөө аж ахуй болон байгаль орчны салбарт хамтын ажиллагаагаа өргөжүүлэх хүсэлтэй байгаагаа хэллээ.
Элчин сайд Хасан Рабехи аялал жуулчлал, эрчим хүч, уул уурхай, боловсрол, байгаль орчны салбарт Алжир улс хамтран ажиллах боломжтойг дурьдав.
