Монгол Улсын Ерөнхийлөгч Ц.Элбэгдорж зарлиг гарган дээд офицерын албан тушаалын ангилал, цэргийн цолны зэрэглэлийн дагуу Зэвсэгт хүчний Жанжин штабын дэд дарга, бригадын генерал Бямбасүрэнгийн Баярмагнайд хошууч генерал, Зэвсэгт хүчний Жанжин штабын ажиллагааны удирдлагын газрын дарга, хурандаа Жамбаагийн Бадамбазарт бригадын генерал цол тус тус өнөөдөр хүртээж, баяр хүргэлээ.
Дараа нь Зэвсэгт хүчний Жанжин штабын дэд дарга Бямбасүрэнгийн Баярмагнай хошууч генералын, Зэвсэгт хүчний Жанжин штабын ажиллагааны удирдлагын газрын дарга Жамбаагийн Бадамбазар бригадын генералын хувцсаа өмсөж, шинэ цол хүртсэнээ Ерөнхийлөгчид илтгэв.
