Монгол Улсын Ерөнхийлөгч Ц.Элбэгдорж Дундговь, Төв аймгийн удирдлага, иргэдтэй уулзаж, хаваржилтын байдалтай танилцахаар өнөөдөр мордлоо. Ерөнхийлөгч Дундговийн Эрдэнэдалай сумын малчин өрхөөр орж, хаваржилтын байдалтай танилцан, сумын соёлын төвд иргэдтэй уулзана. Мөн аймгийн төвд “Төв халхын дуулалт жүжиг”-ийн театрт иргэдтэй уулзаж, аймгийн шүүхийн ажиллагаатай танилцах юм.
Ерөнхийлөгч Төв аймгийн Зуунмод хотод аймгийн шүүхийн болон дулааны эрчим хүчний газрын үйл ажиллагаатай танилцаж, “Монгол туургатан” театрт иргэдтэй уулзана.
Ерөнхийлөгч Ц.Элбэгдоржийг УИХ-ын дэд дарга Н.Энхболд, УИХ-ын гишүүн Р.Раш, Х.Наранхүү, Хүнс, хөдөө аж ахуй, хөнгөн үйлдвэрийн сайд Т.Бадамжунай, Ерөнхийлөгчийн зөвлөх Л.Эрхэмбаяр, Нийгмийн хамгаалал, хөдөлмөрийн дэд сайд Д.Нямхүү, албаны бусад хүн дагалдан явав.
