Ерөнхийлөгчийн Тамгын газрын даргын урилгаар Монголд зочилж буй АНУ-ын нэрт хуульч Самуэл Конти УИХ дахь Монгол Ардын намын бүлгийн дарга Д.Лүндээжанцан, мөн Ардчилсан намын бүлгийн дарга Ч.Сайханбилэг нартай өнөөдөр уулзаж, Шүүхийн тухай багц хуулийн төслийн болон шүүхийн боловсон хүчнийг шилж сонгох арга механизмын талаар ажил хэрэгч яриа өрнүүллээ.
Түүнчлэн тэрээр Улсын Дээд шүүхийн ерөнхий шүүгч Ц.Зориг, Шүүхийн Ерөнхий зөвлөлийн гүйцэтгэх нарийн бичгийн дарга Н.Ганбаяр, Монгол Улсын ерөнхий прокурор Д.Дорлигжав нартай ажил хэргийн уулзалт хийж, шүүх эрх мэдлийн байгууллагуудын шинэтгэлийг хэрхэн гүнзгийрүүлэх асуудлаар санал солилцов.
