“Иргэний Танхим”-аас сонордуулах нь
2010 оны 09 дүгээр сард Монгол Улсын Ерөнхийлөгчийн дэргэдэх “Иргэний танхим”-д АНУ-ын The Nature Conservancy ТББайгууллагын Уур амьсгалын хөтөлбөрийн ахлах шинжээч Эван Гирветсийн ”Монгол Улсын зүүн хэсгийн тал хээр нутагт уур амьсгалын өөрчлөлтийн өнөө ба ирээдүйд үзүүлэх нөлөө ба дорнодын тал нутгийн иргэд хүрээлэн буй орчны онцлогт тулгуурлан уур амьсгалын өөрчлөлтөд дасан зохицох нь” сэдэвт судалгааны материалаа танилцуулж хэлэлцүүлэг хийсэн билээ.
Энэхүү хэлэлцүүлэгт оролцогчдоос гаргасан саналын дагуу “Уур амьсгалын өөрчлөлт ба дасан зохицох асуудал” сэдвээр нээлттэй хэлэлцүүлгийг Монгол Улсын Ерөнхийлөгчийн дэргэдэх “Иргэний танхим”-д зохион байгуулах гэж байна.
Нээлттэй хэлэлцүүлэгт энэ сэдвээр судалгаа, шинжилгээний ажил хийдэг эрдэмтэн судлаачид болон байгаль орчныг хамгаалах, нөхөн сэргээх, цөлжилттэй тэмцэх, агаарын бохирдлыг бууруулах чиглэлээр үйл ажиллагаа явуулдаг иргэний нийгмийн байгууллагууд, иргэдийн төлөөллийг оролцуулан, Монголын судлаачдын хийсэн судалгаан дээр чөлөөт ярилцлага, хэлэлцүүлэгзохион байгуулна.
Нээлттэй хэлэлцүүлгийн хуралдаан 2010 оны арваннэгдүгээр сарын 12-ны Баасан гарагийн 09.00 цагт Төрийн ордны зүүн урд жигүүрийн 3 дугаар давхарт байрлах “Иргэний танхим”-д эхэлнэ.
Нээлттэй хэлэлцүүлгийн хуралдаанд биечлэн оролцох иргэдийг 2010 оны арваннэгдүгээр сарын 03-ны өдрөөс 10-ны өдрийн 09.00-18.00 цагийн хооронд “Иргэний танхим”-ын утас, факс, цахим шуудангаар бүртгэнэ.
“Иргэний танхим”-ын хаяг:
- Утас: 263489
- Факс: 263486
- Захидлаар: Төрийн ордон зүүн жигүүр, 373 тоот “Иргэний танхим”-ын ажлын албаны өрөө
МОНГОЛ УЛСЫН ЕРӨНХИЙЛӨГЧИЙН ДЭРГЭДЭХ
“ИРГЭНИЙ ТАНХИМ”-ЫН АЖЛЫН АЛБА
“Иргэний Танхим”-аас сонордуулах нь
