Ерөнхийлөгчийн Тамгын газрын дарга зарим иргэдэд шагнал гардууллаа
Монгол Улсын Ерөнхийлөгч Ц.Элбэгдорж зарлиг гарган, боловсрол, эрүүл мэнд, эрчим хүч, батлан хамгаалах, үйлдвэрлэл үйлчилгээ, төрийн захиргааны болон төрийн бус байгууллагад олон жил үр бүтээлтэй ажилласан зарим хүнийг төрийн одон, медалиар шагнасан билээ.
Нийслэлийн ойг тохиолдуулан өгч буй уг шагналыг Ерөнхийлөгчийн Тамгын газрын дарга Д.Баттулга өнөөдөр төрийн ордонд шагнагдагсдад гардуулан баяр хүргэв. Тэрээр нийслэлийн “Очирбат” сангийн жолооч Базаргордоогийн Тогоо, ТТХГ-ын автобаазын жолооч Гүнсэнгийн Даваадай нарын 5 хүнд Хөдөлмөрийн гавьяаны улаан тугийн одон, Сүхбаатар дүүргийн 14 дүгээр хорооны иргэн, ахмад багш Янжингийн Аюурзана, улсын клиникийн төв эмнэлгийн сувилагч Жанчивын Цэнд-Аюуш нарын 6 хүнд Алтан гадас одон, Хан-Уул дүүргийн 75 дугаар сургуулийн бага ангийн багш Цэрэнбадамын Лидаа нарын 3 хүнд Хөдөлмөрийн хүндэт медаль гардуулсан юм.
Ерөнхийлөгчийн Тамгын газрын дарга зарим иргэдэд шагнал гардууллаа
