Монгол Улсын Ерөнхийлөгч Ц.Элбэгдорж өнөөдөр Бүгд Найрамдах Латви Улсын Ерөнхийлөгч Раймондс Вейонистэй уулзлаа.
Монгол Улсын Ерөнхийлөгч Ц.Элбэгдорж эрхэм зочныг АСЕМ-ийн дээд хэмжээний чуулга уулзалтад хүрэлцэн ирж оролцсонд нь талархал илэрхийлээд хоёр орны хооронд дипломат харилцаа тогтоосны 25 жилийн ойг тохиолдуулан баяр хүргэв.
Уулзалтын үеэр талууд уламжлалт түүхэн харилцаагаа өргөжүүлэх талаар болон цаашдын хамтын ажиллагааны сэдвүүдээр санал солилцов. Мөн НҮБ болон олон улсын хэмжээнд харилцан бие биеэ дэмжиж ажиллана гэлээ.
