Хорт хавдрын эсрэг тэмцэлд бүх нийтээрээ тэмцэхийг олимп, тив, дэлхийн аваргууд уриаллаа
Олимп, тив, дэлхийн аваргууд болох Монгол Улсын хөдөлмөрийн баатар Э.Бадар-Ууган, Х.Цагаанбаатар, Монгол Улсын гавьяат тамирчин Б.Наранбаатар нар нийслэлийн хүүхэд, залуучуудад “Амжилтын төлөө хамтдаа” цуврал лекцээ өнөөдөр соёлын төв өргөөнд уншив.
“Амжилтын төлөө хамтдаа” энэ бол тэдний байгуулсан төрийн бус байгууллага аж. Аваргууд маань өөр өөрсдийн амжилтад хүрсэн хүндхэн боловч гайхамшигтай замналаасаа монголын хүүхэд, залуучуудад ярьж, тэднийг спортод зоригжуулах, сэтгэлийн хат суулгах, ялалтад уриалан дуудах зорилготой юм. Анхны лекцээ Дархан, Хөтлийн хүүхэд, залуучуудад уншсан юм. Тэд спортоор хичээллэн бэлтгэл сургуулилт хийхийн зэрэгцээ нийгмийн амьдралд ийнхүү идэвхтэй оролцож, үе тэнгийнхэн, дүү нартаа үлгэр дууриал үзүүлж яваа монголын бахархал болсон залуучууд, дэлхийн хэмжээний тамирчид билээ.
Монгол Улсын Ерөнхийлөгчийн спорт, биеийн тамирын орон тооны бус зөвлөхөөр ажилладаг аваргууд хорт хавдарын эсрэг тэмцэлд бүх нийтийн оролцоо чухал болохыг уриаллаа.
Хорт хавдрын эсрэг тэмцэлд бүх нийтээрээ тэмцэхийг олимп, тив, дэлхийн аваргууд уриаллаа
