Монгол Улсын Ерөнхийлөгч Ц.Элбэгдорж өнөөдөр Мьянмарын Холбооны Бүгд Найрамдах улсын Ерөнхийлөгчийн Зөвлөхүүдийн албаны төлөөлөгчидтэй уулзав.
Уулзалтын эхэнд Ерөнхийлөгч Ц.Элбэгдорж эрхэм зочдод амжилт хүсч 2013 онд тус улсад айлчилж байснаа дурслаа. Тус айлчлалын үеэр Мьянмарын Ерөнхийлөгч, Парламентын дарга болон сөрөг хүчний лидер, Нобелийн шагналт хатагтай Ан Сан Су Чи нартай уулзаж байсан билээ.
Уулзалт асуулт хариулт өрнүүлж, харилцан ярилцсан уур амьсгалд болж өндөрлөв. Уулзалтын төгсгөлд Монгол Улсын Ерөнхийлөгч Ц.Элбэгдорж Мьянмар улсын Ерөнхийлөгч, Парламентын дарга, Нобелийн шагналт хатагтай Ан Сан Су Чи нарт болон Мьянмарын ард түмэнд чин сэтгэлийн мэндчилгээ дэвшүүлж буйг уламжилж өгөхийг төлөөлөгчдөөс хүслээ.
