Монгол Улсын Ерөнхийлөгч Ц.Элбэгдорж С.Зориг агсны дурсгалыг хүндэтгэв
Монгол Улсын Ерөнхийлөгч Ц.Элбэгдорж ардчиллын алтан хараацай С.Зоригийн гэгээн дурсгалыг хүндэтгэн түүний хөшөөнд өнөөдөр цэцэг өргөв.
Мөн Монголын Ардчилсан Нам, Ардчилсан холбоо, нийслэлийн Ардчилсан намын удирдлагууд, нийслэлийн иргэдийн төлөөлөгчид Монгол оронд ардчилал, шударга ёсны төлөө тууштай тэмцэж яваад 12 жилийн өмнө алтан амиа алдсан журмын андынхаа гэгээн дурсгалыг хүндэтгэн цэцэг өргөлөө.
С.Зориг агсны төрсөн дүү, Улсын Их Хурлын гишүүн С.Оюун хайрт ахынхаа хөшөөний өмнө журмын нөхдийн нь хамт мэхийн ёсолж, хүндэтгэл үзүүлэв.
Монгол Улсын Ерөнхийлөгч Ц.Элбэгдорж С.Зориг агсны дурсгалыг хүндэтгэв
