Монгол Улсын Ерөнхийлөгчийн нэрэмжит “Монгол бейсбол-2010”
Монгол Улсын Ерөнхийлөгчийн нэрэмжит өсвөрийн цомын аварга шалгаруулах “Монгол Бейсбол- 2010”тэмцээний нээлт 9 дүгээр сарын 16-нд Бейсболын үндэсний холбооны төв талбайд боллоо. Уг тэмцээнийг Монгол Улсын Ерөнхийлөгчийн Тамгын газраас анх удаа санаачлан зохион байгуулсан юм.
Тэмцээний нээлтийн ажиллагаанд Монгол Улсын Ерөнхийлөгчийн зөвлөх Р.Болд, Ерөнхийлөгчийн Тамгын газрын дэд дарга Б.Нэргүй, Биеийн тамир спортын газрын дарга Б.Наранбаатар, Монголын Үндэсний Олимпийн хорооны дэд ерөнхийлөгч Дамдин, Япон Улсын Онц бөгөөд Бүрэн эрхт элчин сайд Такуо Кидокоро, АНУ-ын элчин сайдын яамны дэд тэргүүн Николас М.Хилл, БНХАУ-ын Элчин сайдын яамны төлөөлөгч нар хүрэлцэн ирж, тамирчдад амжилт хүсэн үг хэлэв.
Тэмцээнд ерөнхий боловсролын 72, 75, 53, 52, 35 дугаар сургууль, Шинэ Монгол дунд сургууль, Сакура дунд сургууль, Strong Ball, Eagles, Хөх Монгол клуб, Монголын Бейсболын Үндэсний холбооны гэсэн 11 баг оролцож, 9дүгээр сарын16-19-нд тойргийн тоглолт хийн хурд хүч, авхаалж самбаагаа сорисон юм. Баянзүрх дүүргийн Шинэ Монгол дунд сургуулийн баг тэргүүлж, 35 дугаар сургуулийн баг үзүүрлэн,72 дугаар сургуулийн баг гуравдугаар байр эзлэв. Тэмцээний эхний гурван байрт шалгарсан багууд болон шилдэг хамгаалагч, довтлогч,М.V.P нарт өргөмжлөл, үнэ бүхий зүйлийг Монгол Улсын Ерөнхийлөгчийн зөвлөх Р.Болд, Ерөнхийлөгчийн тамгын газрын дэд дарга Ч.Сайнбилэг нар гардууллаа.
Монгол Улсын Ерөнхийлөгчийн нэрэмжит “Монгол бейсбол-2010”
