Монгол Улсын Ерөнхийлөгчийн дэргэдэх Санхүү, эдийн засгийн бодлогын салбар зөвлөлийн хуралдаан боллоо
Монгол Улсын Ерөнхийлөгчийн дэргэдэх Санхүү, эдийн засгийн бодлогын салбар зөвлөлийн дэргэд дөрвөн дэд зөвлөл байгуулагдан өргөн хүрээнд, шинэлэг хэлбэрээр ажиллаж эхлээд байна.
Өнөөдөр буюу 2010 оны 9 дүгээр сарын 15-ны өдөр дараагийн дэд зөвлөл болох Мөнгөний бодлогын дэд зөвлөлхуралдсан бөгөөд энэ удаагийн хуралдааныг УИХ-ын гишүүн О.Чулуунбат даргалан явуулав. Хуралдаанаар Монголбанк, Сангийн яам, Санхүүгийн зохицуулах хороо, Үндэсний статистикын хорооны холбогдох алба, хэлтсийн дарга нар Мөнгөний тойм, Үнийн индекс, өрхийн орлого, зарлагын судалгаа, Монгол Улс дахь инфляцийн хүчин зүйл, өдөөгчийн асуудлуудаар дэлгэрэнгүй ярилцав.
Дэд зөвлөлүүд байгуулсан зорилго нь эдийн засгийн төв байгууллагуудын хоорондын уялдаа холбоог сайжруулах, нэгдсэн мэдээлэлтэй болох, эдийн засгийн голлох үзүүлэлтүүдийн хоорондын уялдааг хангах, бодит тоон мэдээллийг иргэд, олон нийтэд түргэн шуурхай тараадаг байхад оршиж байгаа юм.
Бусад дэд зөвлөлийн хуралдаанууд дараах хуваариар явагдана.
1. Макро эдийн засгийн уялдаа холбоог сайжруулах бодлогын зөвлөлийн хуралдаан 2010 оны 09 дүгээр сарын 17-ны өдөр 09.30 цагт,
2. Төсвийн бодлогын дэд зөвлөлийнхуралдаан 2010 оны 09 дүгээр сарын 20-ны өдөр 09.30 цагт,
3. Эдийн засгийн өсөлт, бодит секторын бодлогын дэд зөвлөлийнхуралдаан 2010 оны 09 дүгээр сарын 21-ны өдөр 09.30 цагт Төрийн Ордноо байрлах Монгол Улсын Ерөнхийлөгчийн дэргэдэх “Иргэний танхим”-д болох юм.
Хуралдаанууд дээр тавигдасан илтгэлүүд болон дэлгэрэнгүй мэдээллийг
Монгол Улсын Ерөнхийлөгчийн дэргэдэх Санхүү, эдийн засгийн бодлогын салбар зөвлөлийн хуралдаан боллоо
