Монгол Улсын Ерөнхийлөгчийн дэргэдэх "Иргэний танхим"-д 2010 оны 09 дүгээр сарын 08-ны өдрийн 10 цагт "Монгол Улсын зүүн хэсгийн тал хээр нутаг дахь уур амьсгалын өөрчлөлтийн өнөө ба ирээдүйд үзүүлэх нөлөө" сэдвээр АНУ-ын "Байгаль хамгаалал" ТББ-ын Дэлхийн цаг агаарын өөрчлөлт хөтөлбөрийн ахлах шинжээч Эван Гилвертс танилцуулга хийнэ.
Уг лекцээр Монгол Улсын зүүн хэсгийн тал хээр нутаг дахь уур амьсгалын өөрчлөлтийн өнөө ба ирээдүйд үзүүлэх нөлөө, дорнодын тал нутаг болон түүний ойр орчимд амьдрах нутгийн иргэд хүрээлэн буй орчны онцлогт тулгуурлан уур амьсгалын өөрчлөлтөд дасан зохицож амьдарч болох талаар ярилцана.
Байгаль хамгаалал, уур амьсгалын өөрчлөлтийн чиглэлээр ажилладаг, энэхүү лекцэд оролцох хүсэлтэй байгууллага, иргэдийг Монгол Улсын Ерөнхийлөгчийн дэргэдэх "Иргэний танхим"-ын 263489 утас, 263486 факсаар бүртгэж байна.
Монгол Улсын Ерөнхийлөгчийн дэргэдэх "Иргэний танхим"
