Байгал далайн бүс нутгийн судалгааны ажилд хамтрахыг санал болгов
Ломоносовын нэрэмжит Москвагийн Их Сургуулийн географикийн факультет Монгол Улсын Ерөнхийлөгчид хандан, дэмжиж ажиллахыг хүссэн захидал ирүүллээ. Уг захидалд
“Ломоносовын нэрэмжит Москвагийн Их Сургуулийн географикийн факультет нь Байгал далайн бүс нутгийн судалгааны ажлаар Монгол Оросын эрдэмтэдтэй хамтран ажилладаг бөгөөд, Байгал далайн бүс нутгийн нийгэм-эдийн засгийн хөгжлийн Атласыг бүтээхээр төслийн ажлаа эхлүүлээд байна.
Энэхүү Атлас нь Байгал далайн бүс нутгийн байгалийн тогтоц, нөөц, ургамал амьтан, түүх, соёл урлаг, эдийн засгийн талаарх бүхий л мэдээллийг багтааж, тус бүс нутгийн эрчимтэй хөгжилд түлхэц болохуйц шийдвэрүүдийг гаргахад туслах, мэдээллээр хангах зорилготой юм...
Энэхүү төслийн ажлыг бодит ажил хэрэг болгоход тус бүс нутгийн удирдагчид , шийдвэр гаргах түвшний хүмүүсийн оролцоо туйлын чухал болохыг ойлгож бидний ажлыг дэмжинэ үү хэмээн хүсэхийн зэрэгцээ Таныг судалгааны зөвлөлд биечлэн ажиллахыг хүсч байгааг хүлээн авна уу” гэсэн байна.
Байгал далайн бүс нутгийн судалгааны ажилд хамтрахыг санал болгов
